Diagram prosesamentu di akuerdo ku lèi

Kon bo ta anda ku dato personal?

Diagram prosesamentu di akuerdo ku lèi

Splikashon di e diagram prosesamentu di akuerdo ku lèi

  1. Tin mag di rekolektá dato solamente ku un meta klaramente definí, i e prosesamentu di dato mester ta indispensabel pa por logra e meta.
  2. Ta importante pa deskribí e metanan hustifiká ku kua bo ta rekolektá i prosesá dato personal.
  3. Pa por bisa ku un prosesamentu adishonal ta kuadra ku e metanan, tin ku tuma na kuenta diferente faktor (relashon, tipo di dato, efekto riba e persona konserní, e método ku ta usa pa atkerí e datonan, protekshon adekuá).
  4. Lo siguiente ta algun base pa eksepshon enkuanto e kondishon ku e prosesamentu mester ta kuadra ku e meta:
    Interes di estado (interes di siguridat, ekonómiko/finansiero), prevenshon, detekshon i persekushon di krímen, supervishon di kumplimentu ku loke lei ta eksigí.
  5. Base (6): outorisashon, kontrato, obligashon legal, interes vital, obligashon ankrá den derecho públiko (interes públiko), interes legítimo.
  6. No tin mag di usa ni mas di ménos dato ku ta nesesario.
  7. Dato personal spesial: Religion/kerensia, rasa/etnisidat, preferensia polítiko, salú, preferensia/práktika seksual, membresia di un asosiashon, dato personal di karakter penal, dato personal manera prohibishon di presentá den sierto área (straatverbod).
  8. E eksepshonnan menshoná den artíkulo 17-23 di Wet bescherming persoonsgegevens BES (por ehèmpel: iglesia, hospital, kustodia familiar).
  9. Direct marketing ta enserá drenta den kontakto (direkto) ku kliente, ku meta sea komersial òf karitativo.
  10. Mester tene na kuenta ki método ta usa pa prosesá e datonan, pasobra kisas e no ta kuadra ku e meta ku kua bo a optené e datonan.
  11. Si bo interkambiá dato ku pais ku ta pafó di Hulanda Karibense, bo mester sa sigur ku e organisashon ku ta risibí e datonan ta garantisá un nivel di protekshon adekuá.
  12. Pa determiná esaki, bo por wak ta ki tipo di dato ta ser interkambiá, ku ki meta ke prosesá nan, kuantu tempu lo keda prosesá nan, e reglanan genera ku ta aplikabel den e pais ei i e medidanan di siguridat ku ta ser apliká den e pais (ehèmpel e asina yamá “adequaatheids-besluit” duná dor di Comishon Oropeo.
  13. Si e interkambio di dato lo no kumpli ku e rekisitonan pa por bisa ku e nivel di protekshon ta adekuá, ainda ta posibel pa bo interkambiá dato si bo haña outorisashon eksplísito pa hasié, si ta eksistí un nesesidat spesial pa hasi e interkambio, òf si e interkambio ta tuma lugá for di un registro públiko ankrá den lei, of un permit duná dor di CBP BES.
  14. Chèk si bo tin base i ta kumpli ku e kriterio di nesesidat. Si esei ta e kaso, anto e prosesamentu di dato ta di akuerdo ku lei.